意粉屋 (已結業)

除咗机场嘅意粉屋，所有意粉屋都去过哂，但尖沙咀好似未去过㖞，无咩印象㖞，okay，就上一上去睇吓会唔会勾起D回忆先。时份秋冬，餐牌上已经有芝士火锅，sorry 唔系我杯茶，点咗个 set dinner，南瓜汤，烤猪仔骨，千层肉酱意粉，再点咗个炸鸡篮。次次点餐汤次次加酥皮，今次无加系因为发现加酥皮劲饱肚！一向唔多好南瓜汤，但意粉屋总有方法煮得浓郁令我欣赏，所以，无办法唔将意粉屋变成我的西餐饭堂。烤猪仔骨嘅猪肉比较少，但哩个问题同样发生系其他西餐厅，究竟发生咩事呀？间间都系噤！虽然猪肉系少，但仍不失 juicy 同入味，肉质鲜嫩，like!千层意粉系我少食嘅一环，味道重手咗，系最失份地方。炸鸡篮愈食愈贵愈食愈细件，但令人怀念，因为当年无韩国炸鸡无豪大大，食好味嘅炸鸡得翻意粉屋同家乡鸡，虽然鸡少咗细件咗，庆幸味道无变差，外脆内软鸡有鸡味。食完都系无咩印象帮衬过，究竟系无黎过定系我老鸟开始失忆呀！~~>_<~~