北料南麵 (已結業)

深水埗好多特色小食店，而且有唔少系卧虎藏龙，今日我呢只饿虎就嚟到呢间「北料南面」寻龙。 我最钟意呢啲点餐牌，可以循环再用，非常环保！第一次嚟食，一于叫个招牌嘅麻辣狂牛面，佢有牛腩、牛𦟌、肥牛、牛柏叶，身为一只又想食辣但又怕辣嘅淆底兽，就拣咗微辣走麻，果然辣度啱啱好，啱晒我口味。牛腩同牛𦟌都用秘制酱汁腌制过，非常入味，而且肉质都淋身，入口有融化嘅感觉，肥牛本身是白灼再加入汤面底，沾上汤底有食火锅嘅效果。牛柏叶就非常爽脆，面质都弹牙，总括而言呢碗面令我一试爱上🥰