夏麵館 (已搬遷) 新店位置

星期日落大雨,见无乜地方去就同屋企人行吓圆方,咪见佢平时无乜人原来假日一样人山人海,食肆虽然唔少但系可供选择不多,个人最怕个D所谓fusion菜,行过一间唔记得叫乜名,装修好靓,睇吓个餐牌,佢话食湖南,上海同意大利菜,呢三个地方嘅菜真系大都扯唔埋,点fusion呀?唔系求其将D风马牛摆埋一堆就叫做fusion.行嚟行去结果都系帮衬最多人个间,集体智慧有时都唔会差得去边.讲番呢间唔知得罪咗乜野人,点解喊面多过笑面,如果真系咁差就唔会排晒长龙,唔通D人个个都系傻嘅?依家响门口排队比以前有秩序,排咗唔使半个钟就有位,最快系两个人,食咗排骨面,其实系阳春面加炸猪扒,汤无味,猪扒又干,但面质够爽.雪菜牛肉两面黄,面炸得够脆,正!小食有棒棒鸡,即系鸡丝粉皮,痳酱一流,好味,四喜烤麸,好入味,个汁好正,红油抄手,皮滑馅靓,水饺反而普通咗D.水准其实唔差,当然有好多地方比佢好食但唔一定要话佢差,而家D人好钟意一窝蜂,有人话好就齐齐话好,有人弹就一齐弹,做人应该人主见,唔好跟人口水尾!