麻辣川米線

营业中

休息中

作为米线迷，嚟到长沙湾/深水埗，梗要去试下呢间好多人推嘅米线店。地理其实有啲隔涉，佢喺两个地铁站之间，不过好易揾。入到去好企理，好少街坊米线店咁光猛干净！店入面主打四款汤底，每款都加左注解释番大概系咩味。我拣咗麻酸辣小小辣。配料都几多选择，$6-9蚊不等，有个唔明位系点解每碗配料有上限。拣咗腐皮、卤水大肠同黑柏叶，三𩠌$50，其实都唔平。热辣辣上菜，份量几多，汤头少少麻带酸，有少少甜甜地，唔错，冇成口味精感觉。米线比较软身，但都有弹性！猪肠好腍冇异味，推介黑柏叶，好新鲜又有咬口。