M Zone 親和藝術 (已結業)

M Zone系一间集cafe同酒吧于一身嘅西餐厅，佢除左有波睇有酒饮，店内仲用霓虹灯同仿真植物做装饰，好啱黎打卡。野食都算多款拣，小食pizza主菜饭面甜品都有。自家制餐汤配蒜蓉包($68) - 是日餐汤系龙虾汤，creamy得黎唔会太咸，最特别系用芥辣喺汤上面写左M字，除左用黎装饰之外，饮落仲有少少辣辣地几得意，碟边嘅蒜蓉包亦好香脆。迷你小食拼盘($108) - 小食拼盘除左薯条之外，另外仲可以喺九款小食入面任拣一款，我就拣左香辣脆鸡。薯条热辣辣，连住少少薯皮，香脆得黎有啲咬口。香辣脆鸡其实叫香辣鸡块啱啲，虽然唔脆，不过酱汁咸咸辣辣几惹味。鲜茄罗勒烟肉薄饼($128) - 哩度嘅pizza比较细份，直径大约只有六吋，比较似系小食多过主菜。虽然份量唔多，但pizza饼底唔会太厚太硬，上面铺满芝士，加埋茄酱足够，味道都唔错。总结，虽然价钱唔算特别平，不过野食唔差，而且又可以睇波又可以打卡，男女都啱。