影片
更多
2016-08-20
739 浏览
夏天天气热，妈咪懒得煮饭，所以决定一家人出去食放题，但又唔想特登搭车出九龙区食，都系留返元朗食算！老实讲系元朗食放题的地方唔算多，妈咪的朋友就话隽太几好就试一试！平日5:45pm个场只有几台人，座位够阔落唔使逼。点餐纸分咗好多张，而加$38升级，就会有得任食生蚝！趁野食未到就先拎饮品，系雪柜自取就得，选择都几多，汽水、茶、果汁饮品等都有。不过荔枝玉露入面有椰果，但就冇粗饮管提供，饮到啜著咗⋯⋯生蚝每次每人最多叫3只，size都中等，唔会好细只，食落都几爽口，但冇乜海水咸味，对得住个价钱就是了。而呢度特别的地方系有韩式蒸多层活海鲜（4人以上先会有），顶层有扇贝、三文鱼，第二层有虾及蚬。第一次食这类型的海鲜锅，即使不加任何调味料，都非常鲜味呢！也很少放题会有得食海鲜锅，够特别，比大家有多一个选择！而刺生的选择都几多，质素都几好，三文鱼、甜虾、象拔、荣螺，唔觉有雪味，而数量都会比足！至于炸物同熟食都不错，够热、唔会觉得好油腻，尤其是紫心香芋丸，甜甜地、香芋味浓，真系忍唔住食多两粒！牛油煎帆立贝同蒜片牛柳粒调得几入味，但牛柳粒就煮得韧咗少少喇。最后甜品一人一杯movenpick! 另外雪柜仲有
平日5:45pm个场只有几台人，座位够阔落唔使逼。
点餐纸分咗好多张，而加$38升级，就会有得任食生蚝！
趁野食未到就先拎饮品，系雪柜自取就得，选择都几多，汽水、茶、果汁饮品等都有。不过荔枝玉露入面有椰果，但就冇粗饮管提供，饮到啜著咗⋯⋯
生蚝每次每人最多叫3只，size都中等，唔会好细只，食落都几爽口，但冇乜海水咸味，对得住个价钱就是了。
而呢度特别的地方系有韩式蒸多层活海鲜（4人以上先会有），顶层有扇贝、三文鱼，第二层有虾及蚬。
第一次食这类型的海鲜锅，即使不加任何调味料，都非常鲜味呢！也很少放题会有得食海鲜锅，够特别，比大家有多一个选择！
而刺生的选择都几多，质素都几好，三文鱼、甜虾、象拔、荣螺，唔觉有雪味，而数量都会比足！
至于炸物同熟食都不错，够热、唔会觉得好油腻，尤其是紫心香芋丸，甜甜地、香芋味浓，真系忍唔住食多两粒！牛油煎帆立贝同蒜片牛柳粒调得几入味，但牛柳粒就煮得韧咗少少喇。
最后甜品一人一杯movenpick! 另外雪柜仲有果冻食，但实在太饱已经食唔落喇！价钱方面呢，我觉得都几抵食，$178一位，计埋加一都$200有找！就算升级任食生蚝$38位，连埋加一先$237.6～ 食物质素OK，职员态度不错，上菜快也没有漏单情况，唯独餐厅冷气唔系好够，坐角落位有点闷热。
张贴
