影片
更多
2017-09-22
84 浏览
去开土瓜湾探朋友然后决定一齐食饭，佢就介绍我去呢间食鸡煲因为老友话好食，所以我决定一于试究竟有几好食先！都实讲。。土瓜湾呢个地方真系唔就脚，冇咩事跟本都唔会踏足呢区。见到门面个感觉都几好，几光猛又有新鲜海鲜卖，入到去感觉老几宽敞唔局促！安排好坐低后。待应姐姐就介绍咗个海鲜鸡煲套餐俾我俩个食，每位238，两位起。又话好抵食又话好够食，所以一于就试吓佢有几抵同有几够啦！个鸡煲仲有得拣辣度外，亦有得拣麻度。。真少见！落单后。。即上个前菜一麻酱冰菜一！我本人都几钟意食冰菜但当沙律生食都系第一次！好有惊喜！效果原来好好食！好脆口！然后上个鸡煲。。个分量都几多，都足够三个人食架！着火后用微滚热住个鸡煲令到啲香味散发出黎又真系几香。花椒嘅味道都几出！至于调味料就都系啲基本大路嘢。。芫茜䓤，辣椒，生熟蒜同沙茶酱。套餐嘅主角上场。。。！二人份量嘅海鲜拼盘！睇落个量好似唔多但绝对够食！而且用料都几新鲜。。包括有原条多宝鱼。。原只奄仔蟹。。两只鲍鱼。。四只广岛蚝。。四只大虾！套餐仲包括有时菜一份，安格斯牛肉，蟹子丸同芝士丸各2粒，稻庭乌冬两个。。！其实呢个餐嘅份量两个人一定够食！食咗鸡煲后已饱咗一大半！除咗
去开土瓜湾探朋友然后决定一齐食饭，佢就介绍我去呢间食鸡煲因为老友话好食，所以我决定一于试究竟有几好食先！都实讲。。土瓜湾呢个地方真系唔就脚，冇咩事跟本都唔会踏足呢区。
见到门面个感觉都几好，几光猛又有新鲜海鲜卖，入到去感觉老几宽敞唔局促！
安排好坐低后。待应姐姐就介绍咗个海鲜鸡煲套餐俾我俩个食，每位238，两位起。又话好抵食又话好够食，所以一于就试吓佢有几抵同有几够啦！个鸡煲仲有得拣辣度外，亦有得拣麻度。。真少见！
落单后。。即上个前菜一麻酱冰菜一！我本人都几钟意食冰菜但当沙律生食都系第一次！好有惊喜！效果原来好好食！好脆口！
然后上个鸡煲。。个分量都几多，都足够三个人食架！着火后用微滚热住个鸡煲令到啲香味散发出黎又真系几香。花椒嘅味道都几出！至于调味料就都系啲基本大路嘢。。芫茜䓤，辣椒，生熟蒜同沙茶酱。
套餐嘅主角上场。。。！
二人份量嘅海鲜拼盘！
睇落个量好似唔多但绝对够食！而且用料都几新鲜。。包括有原条多宝鱼。。原只奄仔蟹。。两只鲍鱼。。四只广岛蚝。。四只大虾！套餐仲包括有时菜一份，安格斯牛肉，蟹子丸同芝士丸各2粒，稻庭乌冬两个。。！
其实呢个餐嘅份量两个人一定够食！食咗鸡煲后已饱咗一大半！除咗食鸡外。啲配菜。例如洋葱，芹菜都要食因为个汁真系好味！
然后就会加汤俾你打边炉，只虾系坚大只同好弹牙爽口。好新鲜！
至于多宝鱼。。我系第一次用黎打边炉。都几好食。肉质够滑同冇乜鱼骨！
只奄仔蟹好好鲜味，肉质够实又弹牙！所以我本人觉所呢个套餐系值得去捧场嘅！而且系坚饱！赞！
张贴
