深水埗咖哩

营业中

休息中

原来西九龙中心对面间深水埗咖哩都系黄店，真系估佢唔到，一于走去帮衬下。一入到去，见到成间店都系南亚裔员工，就当自己去咗旅行，你话几好呢😆？呢度嘅午餐非常抵食，有汤有小食有主菜有饭有烤饼仲有汽水，加埋都唔使五十蚊😱。味道方面，主菜嘅咖哩牛腩咖哩味较淡，唔太食得出咖哩嘅浓香，不过牛腩尚算煮得软腍入味；餐汤有少少鸡丝有少少红萝卜丝，味道有少少奇怪，又有少少似用黑胡椒同味精粉沟出嚟嘅忌廉鸡汤😂，唔可以话难饮，但亦唔算得上好饮。成个午餐，最好食嘅系小食胡椒脆饼（papadum）同沾咖哩嘅印度烤饼（naan），前者点薄荷酸汁食，开胃惹味，后者热辣辣充满面粉香气，好食👍。