咕咾 (已結業)

呢间嘢我成日经过，港式装修，新开张第一次食过咕佬猪扒刈包时觉得还可以啦，不过真系价钱贵，成日搅埋啲学生优惠同早餐，之前学生平过一般人10蚊（平5蚊都可以理解），真系难以理解佢点解要多收阿叔呢啲打工仔10蚊咁多，所以之后一直都冇帮衬，似乎系最近先将各个餐嘅学生价同正价嘅差价改为8-10元，而呢次光顾出于附近地方冇小食可以买。咕佬猪扒刈包 $48店员态度都ok，不过似系挂住同朋友吹水多过做嘢。由于唔系午餐时间，冇任何优惠，$48得一个细包，块猪扒正常尺寸，唔觉得大块，炸得唔够，有阵猪腥味，好薄，咕噜酱汁正常，块菠萝可能系最好食，块刈包好细块下，就算你块包细到胶布咁，对比起都唔代表你块猪扒系大块，而且好难拎上手食，味道差过新开张𠮶时。以呢个价钱同食物质素，俾到尽都系中下，既然以咕佬猪扒包为招牌，就应该要好好改善...