龍鳳號 (裝修中)

好耐冇去观塘行街，于是决定放工之后到APM行行，睇下有冇点变。行完街饿就紧系揾地方食晚餐啦，行行下就发觉呢个地方好多食肆，睇过之后就决定试呢间台湾野啦。肉燥饭呢个肉燥饭好正!!首先肉燥够多，味道岩岩好，好浓郁，完全拍得住台湾GE级数!! 再加上佢地GE米饭煮得好好，好香，完全唔系茶记质素，10个LIKE呀=]盐酥鸡脾呢只鸡脾又系极正，大大只!!虽然佢未系话好滑，但系就一D都唔鞋口，都唔错。盐酥GE味道适中，唔会话多到好咸。凉面呢个就做得比较差。第一唔够酱，第二酱无乜味，第三个面太多水!! 虽然未至于难食，但呢三个样加埋一齐，就唔会比到高分!! 性价比黎讲系低GE。盐酥菇味道一流，好入味!!D菇炸完介保留到D水份，系略嫌油多左D，无台湾果D做到咁干身。绿豆汤呢个就完全唔得，千其唔好叫!! 佢成碗汤系过甜，甜到饮唔哂，而且绿豆又唔系煮到咁松化，芋圆都好一般，唔好食。龙凤荳花呢个同另外一个糖水差天共地，可能因为豆花中和左个甜，个味道系唔错GE而且好几足料。总结!! 野食环境都唔错，但系价钱比较贵，性价比相对就系算低DD，不过我都会再去踩场食多次GE。