PAPER STONE BAKERY

营业中

休息中

这间Paper Stone Bakery据讲系美心集团旗下嘅饼店。但除咗大家都可以用信用咭找数之外，啲包同美心西饼和东海堂有好大分别。呢度啲包系舖头入面做嘅，唔系大埔工业邨嘅中央饼房。而且用上日本昭和面粉，质感同味道都高一班。呢度主打欧式面包，如裸麦、黑麦同酸种等，亦有米粉包同埋Simply Life风格嘅酥饼。当然，价钱会比较贵，普通包要$16一个，啲大啲嘅欧式面包就要$20~30。我光顾时差唔多系圣诞节，有得意嘅面包雪人。舖头里面亦可以预订，无记错系$70左右。饱肚之选嘅『每日厨师精选』($34)，其实系番茄罗勒叶芝士薄饼。成寸厚嘅饼底松软，唔系太油，番茄同罗勒叶都落得非常慷慨。对我嚟讲够一餐。