豐膳西餐廳 (已結業)

原来九龙湾都有自助餐，仲几平添，睇食评知道唔系有特别惊喜，不过一试无妨。我哋七点到，餐厅装修唔豪华，得几枱，环境几清静。食物比我感觉无咩城意，好求其，选择好少，味道真系偏中下，有啲系拎咗但食唔落，全晚只围绕食几样嘢，价钱系平，指定信用卡更有85折，但就算呢个价都可以有更好选择。面包蟹无咩味，蟹脚唔错，肉几多又够鲜。螺粒粒都有沙，青口无咩味，虾正常。刺身都可以，寿司饭好干。烟三文鱼睇落比较无咩油光哑色，食食落都可以。烧牛肉唔错，有肉汁，有牛味。上面𠮶碟拎咗真系食唔到，炸鱼外面涷又硬，里面有腥，叉烧又瘦又干。下面系嘅元蹄肉好似系烚完捞汁入去，无味。蒸鱼系全晚食得最多，应该系无鳞嘅淡水鱼，不过好鲜，蒸得好滑。红酒牛肉唔错，羊架有啲韧。面档有两款面拣，配件只有菌类同菜，肉都无，个汤清清哋，绿色𠮶种面唔好食。汤有农夫汤同罗宋汤。农夫汤有小青口肉，蟹，虾。窝夫系一早整定，完全无得加热，但味系正常。甜品都可以。另有豆腐花同红豆沙。豆腐花几滑，红豆沙唔太甜但红豆好少，又唔起沙。Dreyer's雪糕有芒果果同开心果味。另有芒果味雀巢雪糕杯同自助雪糕机 。