影片
更多
2021-07-14
9454 浏览
最初留意到呢间餐厅系因为以为佢地系一间任食海鲜蒸气火锅店, 专食海鲜, 太啱我了, 即刻揾老公陪我去食, 但之后再睇真D, 原来佢地既海鲜只有3款选择(另加每人一份已经SET好左无得拣既海鲜)。我觉得九重鲜 是一间集合多国口味, 菜色同款式于一身的放题店。虽然我爱海鲜, 不过咁都好既, 唔使要老公就晒我, 双赢🙌。加$13任饮非酒类饮品。(其实点解餐厅唔一早将饮品价钱计入套餐内呢? 埋单$650同$680既分别, 客人会觉得唔饮野会著数左吗? 又有客人黎得食放题会唔饮野吗? 制造了不必要的收费规则。)先来每人一份指定海鲜 - 带子,鲍鱼同龙虾🦞, 3样都好好味, 同样厚肉鲜甜, 爽口弹牙啖啖肉。任食部份我地叫左汁烧七味鸡软骨串 - 呢个我最钟意, 烧得脆口得黎又唔干, 调味和火喉也掌握得刚好, 咸香惹味。韩式一口牛 - 牛肉当中我只推介佢, JUICY又唔韧。烤韩式牛扒同泰式烤牛肉都偏韧同干。炸物方面食左吉列蚝同韩式辣酱炸鸡, 同样不错, 炸粉唔厚, 新鲜有肉汁。烟肉芦笋卷串 - 本身我唔钟意食烟肉🥓, 但见老公话好味仲ENCORE再点就试一啖, 又真系无介绍错㖞, 烟肉烧得一D都唔干
加$13任饮非酒类饮品。(其实点解餐厅唔一早将饮品价钱计入套餐内呢? 埋单$650同$680既分别, 客人会觉得唔饮野会著数左吗? 又有客人黎得食放题会唔饮野吗? 制造了不必要的收费规则。)
先来每人一份指定海鲜 - 带子,鲍鱼同龙虾🦞, 3样都好好味, 同样厚肉鲜甜, 爽口弹牙啖啖肉。
任食部份我地叫左汁烧七味鸡软骨串 - 呢个我最钟意, 烧得脆口得黎又唔干, 调味和火喉也掌握得刚好, 咸香惹味。
韩式一口牛 - 牛肉当中我只推介佢, JUICY又唔韧。烤韩式牛扒同泰式烤牛肉都偏韧同干。
炸物方面食左吉列蚝同韩式辣酱炸鸡, 同样不错, 炸粉唔厚, 新鲜有肉汁。
烟肉芦笋卷串 - 本身我唔钟意食烟肉🥓, 但见老公话好味仲ENCORE再点就试一啖, 又真系无介绍错㖞, 烟肉烧得一D都唔干硬之余仲有肉汁, 芦笋也很新鲜爽脆有水份。
觉得不错的还有烧栗米🌽, 菠萝🍍同韩国🇰🇷泡菜, 用料同样新鲜, 食材本身质素好, 唔需要过份调味已经好味。
而最后的指定甜品- 焦糖布丁, 以放题店的甜品质素黎讲好满意, 虽然布丁唔算嫩滑但蛋香十足, 甜度适中, 感觉自家制。
其他就感觉普通, 尤其海盐烧牛脷串, 无味, 肉质有D散同烧得偏干。同埋任食𠮶3种海鲜 - 海虾, 海蚬同蚝, 新鲜程度一般, 味道较淡, SIZE也比较细无咩口感, 喜欢海鲜的我也没有想要ENCORE。
因为九重鲜座位布局的关系(几张枱泊埋一齐成为一张超长餐桌), 觉得它们是一个非常适合一大班朋友家人聚餐的好地方, 大部份食物质素不错, 用餐环境也舒适。
张贴
