蘭芳園

营业中

休息中

其实一直就想黎呢度试下，但迟迟都未有机会，今日拍拖偶然地经过兰芳园，但本来plan去食日本料理，但我坚持想入去试下，最后呢一次偶然，令我发现唔少惊喜。一入到去发现店里超级多人，但经店员巧妙安排坐位后，不用三分钟已经有位。本身只系念住食咖央，因为想留肚去食日本野，但入到去发现香味充斥全店，最后决定叫一个咖央，一碗心多多捞丁，一杯香滑奶茶。食物黎到之后，我地先发现原来我地坐左喺个厕所出面，但可惜已经恨错难返，全店都系人，我念想换个位都几难，最后只好忍气吞声继续食野。但当我地正介怀紧个厕所时，我无意咁将块咖央放入口中，发现原来加入左奶黄既西多士真系好好味，奶黄既甜味同西多既味道系劲match，我再将心多多捞丁放入口中时，我已忘记个厕所喺我地后面，因为个心多多捞丁实在太好味，无论系啲材料定酱料都同成碗捞面味道好夹，真系好好味；到本奶茶，真系又香又滑，同其它茶餐厅完全无得比，茶味香浓，奶味香滑，构成左一杯一百分既奶茶，下次有机会一定要黎试下其它野食。