東喜茶 (已結業)

其实点为之一杯好饮既台式野饮？见仁见智。平时都有饮开珍珠奶茶同埋鲜泡果茶，价钱都系20蚊左右，而呢间东喜茶，第一次黎既时候，睇完价钱我即刻讲左句粗口，点解可以贵到咁？但朋友讲到真系好好饮，又咁多人等，我信佢一次，第一次比左钱饮一杯同lunch一样价钱既台式野饮(佢系中国...)第一次饮满杯红柚，佢真系充满红柚肉，啲味唔系用糖水冲出黎，好清新，贵都贵得叫有价值既。饮左一似，好饮系会返转头，今次更贵，挑战芝士！呢杯系芝士莓莓(右)，下面系有d似草莓沙冰，上面系芝士奶盖，呢个唔可以用饮管，要打斜饮先可以一次过饮到芝士同草莓沙冰，哇，一入口，啲芝士超浓，口感一啲都唔水唔稀，个层次同下面夹得超好，系我系台式饮品入面饮过最好味既芝士！饮完几日，好想又再饮过