我愛慢煮 (孖沙街) (已結業)

今日啱好黎开上环附近行街，就想食下好西，我提议食我爱满足，女朋友表示唔怕又伏咩?(事原之前食左几次，除左第一次比较满意，之后𠮶几次牛排都系好多筋好多脂肪位，最夸张𠮶次本半块都系咁😓。) 咁我就话横掂咁耐冇食，可能有改善呢我地试完d扒之后感觉的确有改善，味道同口感都唔错，之前ge缺点都改善唔少，额外加ge带子同虾都唔错。但小食就搞唔掂啦，我地先叫左黑松露番薯条，点知比左普通ge薯条地，直到我地问点解唔系番薯条，先知原来冇晒😵,但其实我地都唔太中意薯条，但因为已经唔小心食左两条，所以最后都唔好意思弹翻转头。最后再加单叫多个咸蛋黄单骨鸡翼，唔讲8只单骨鸡翼用左20分钟先上到，但炸粉实在太厚，亦食唔太出蛋黄味，最后两只直接放弃。总体黎讲的确不满意，虽然价钱唔叫好贵，但都唔应该系咁ge水准，鸡翼同薯条应该都系唔容易伏ge野。另外，交代清楚原食材缺货并告知客人会换其他食材系好基本，唔应该等客人问先知😥，最后食ge鸡翼仲搞到个肚唔舒服。短时间内都未必再黎，希望下次有机会黎可以改善问题。