影片
更多
2021-05-16
731 浏览
为咗庆祝朋友生日，专登去观塘买Holam同佢庆祝，自己就顺便买几件食下，今日嘅藉口就系要用甜品黎开始呢个美好嘅5日长假期 🥳 其实都唔洗多介绍，已经第n次食，又好食又唔贵！🍵焙茶 $38印象中好似第一次食杯茶味🧐 果然冇令我失望，Holam啲茶味千层蛋糕都好浓，cream又滑又唔会太济！攞到返去有少少溶溶地🥲 但系都忍唔到口，再雪返冻佢，直接啪咗成件😂 下次会再嗌！😋☕️伯爵茶 $38伯爵茶味世界第一！😋次次都一定嗌👍🏻真系冇嘢需要多讲。茶味浓，Cream好滑，唔济，唔会过甜🥰 本身唔系一个钟意食伯爵茶味嘅人，食蛋糕或者甜品嘅时候都唔会拣呢只味。唯独食Holam先会嗌，仲要不停番兜。小插曲：whatsapp落订嘅时候个脑忽咗，想嗌伯爵茶但系唔小心嗌咗乌龙味（都好好食）。走咗之后先发现自己嗌错咗，但系返到去打开个盒发现pack咗伯爵茶俾我🤣 巧开心！🥳☕️Tiramisu $38个样望落超靓仔😍 由落订𠮶刻已经超级期待，但系好失望 😩 中间夹咗啲手指饼，上面都有tiramisu必须有嘅朱古力粉，但系啲cream就整得好唔似😭 食落一啲mascarpone味都冇😔 感觉好似食紧原味加啲朱古力粉
🍵焙茶 $38
印象中好似第一次食杯茶味🧐 果然冇令我失望，Holam啲茶味千层蛋糕都好浓，cream又滑又唔会太济！攞到返去有少少溶溶地🥲 但系都忍唔到口，再雪返冻佢，直接啪咗成件😂 下次会再嗌！😋
☕️伯爵茶 $38
伯爵茶味世界第一！😋次次都一定嗌👍🏻真系冇嘢需要多讲。茶味浓，Cream好滑，唔济，唔会过甜🥰 本身唔系一个钟意食伯爵茶味嘅人，食蛋糕或者甜品嘅时候都唔会拣呢只味。唯独食Holam先会嗌，仲要不停番兜。
小插曲：whatsapp落订嘅时候个脑忽咗，想嗌伯爵茶但系唔小心嗌咗乌龙味（都好好食）。走咗之后先发现自己嗌错咗，但系返到去打开个盒发现pack咗伯爵茶俾我🤣 巧开心！🥳
☕️Tiramisu $38
个样望落超靓仔😍 由落订𠮶刻已经超级期待，但系好失望 😩 中间夹咗啲手指饼，上面都有tiramisu必须有嘅朱古力粉，但系啲cream就整得好唔似😭 食落一啲mascarpone味都冇😔 感觉好似食紧原味加啲朱古力粉咁。
🌰栗子 $38
超爱食栗子嘅我觉得呢个就麻麻地。栗子味可以再浓啲，但系都味去到好似Tiramisu咁失望嘅！都系下次唔会再食嘅一款😣
🥭6寸原个芒果 $240
同场加影多一只芒果味。朋友生日蛋糕买咗原个流心芒果味。有啲芒果肉同埋芒果酱。冇芒果嘅地方冇味咁济🤯 朋友觉得有芒果就还可以，但系我自己觉得有芒果都十分麻麻地😵 因为芒果同芒果酱集中喺中间，边边位冇味，一细件咁食应该都ok，原个买就... 🤢 （一黎到2分钟ko咗个蛋糕，影相嘅机会都冇😂）
环境质素：🌕🌕🌗 （等lift真系等到2046...）
食物质素：🌕🌕🌕🌖
CP值：🌕🌕🌕🌕
回头指数：🌕🌕🌕🌕
呢餐系：「虽然某部分有少少失望但系都系好满足」嘅一餐
虽然review得唔系太多餐，系第一次俾咁高评价嘅嘢食。Holam都好似已经食咗好耐，真系对佢不离不弃😂。其中一个原因系即使佢依家红咗，都冇乜加价，唔会细件咗孤寒咗，最紧要系服务态度冇差到！！👍🏻 自己最推荐都系茶味（尤其系伯爵茶），奶盖乌龙印象中都好味！唔钟意茶嘅话，其他口味有曲奇，阿华田，香芋𠮶啲都ok架！身边好多人会觉得「依家冇得食LadyM，食Holam黎代替啦」。我就觉得即使LadyM有得食，我都会拣Holam。性价比高又好味，仲要黄店，仲有咩好讲㖞！😋
张贴
