爆丼屋 (已搬遷) 新店位置

今晚正当我喺旺角唔知食乜好嘅时候，见到琴晚仲装修紧嘅爆丼屋竟然好神奇开咗舖！见到舖外嘅LCD果碗3色海胆饭劲吸引！谂住新开张应该可能有平，一打开menu，每碗饭最少$128起……海胆要$238……好贵……睇到眼都凸……最后我叫咗爆盛慢烧牛肉丼Small size，碗饭都几多牛肉，牛肉烧到7成熟，不过由于系慢热，所以啲牛肉唔系热嘅，但牛味几浓，又唔会有血腥味。牛肉上面分别淋咗蒜香烧汁同山葵忌廉汁，我就觉得山葵忌廉汁捞埋啲蛋汁一齐食最正！蛋汁令到啲牛肉同饭好滑好juicy，山葵汁有山葵味但唔辣唔攻鼻，反而带点淡淡嘅甜味！同埋会跟一碗三文鱼面豉汤，味道鲜甜！所以哩碗饭绝对物有所值！下次试埋个海胆饭先！