皇茶冰室 (已結業)

荃湾路德围又有新餐厅，除左好多米线铺外，呢边餐厅种类愈黎愈多。系呢个光棍节下午，就系去左试试呢间新冰室 <皇茶冰室 King Cafe>。可能比较晏先食Lunch唔驶等位就入左去。入到去铺面整净，光猛，坐位属于舒适。我地分别叫左两款茶餐，首先肥妹叫左King餐 A。四款King餐由11:30AM - 11:30PM都有，餐牌内容类似茶餐厅既常餐。火腿奄列:-大份、蛋滑、火腿好多，好足料既火腿奄列。厚多士:-真系好厚，但多士边较为㶶左少少。招牌沙嗲牛肉面:- 沙嗲味浓，牛肉淋身入味，但对面身失望，放入口嘴馋两啖，面身未淋，感觉系岩岩煮开左个面既硬度。另外，肥仔叫左个下午茶餐，忘记影餐牌，记得系有颇多款式选择。干炒牛河:-河份量大，牛肉一样淋身，美中不足系偏咸少少。整体黎讲食物卖相、份量、味道唔差。但价钱偏高。