新蘇記燒豬大王

营业中

休息中

深水埗新苏记烧猪大王。平时都有食开佢嘅烧肉，味道几好～今次试下佢双拼饭$38蛟好抵食 饭嘅份量唔算多，但都够食。烧鸭食落口有啖啖黑椒味，好香。再试佢个油鸡，有惊喜！几好味，个人觉得好食过烧鸭，啲鸡皮食落唔太油仲好香，宜家已经唔食鸡皮嘅我都忍唔住食晒成块。佢啲葱油都好足份量，唔会俾得少少。个饭食到见底后见个饭盒都唔会好多油。 个饭仲有跟汤（五指毛桃煲粉葛）听到都觉得降火😂饮落比想像中好！因为好多跟烧味嘅例汤都系淡而无味/死喊。但佢有老火汤感觉，都叫有诚意之作。