台灣麵 (已結業)

睇戏前同朋友食个快嘅晚餐，见到呢间好似唔错㖞，就立即入去！发现有个系双排双格餐，可以一次试多一样嘢食！我拣咗卤水鸡翼肉燥饭拼红烧牛肉面，你拣咩𩠌都可以拣粗面、幼面、肉燥饭、拉面、米线、关庙面、新竹米粉。红烧牛肉煮得够腍、如果个牛肉汤底再浓少少就仲好食，依家辣味有啲盖过牛肉味！呢个餐包一杯热饮，加$4就可以拣台式饮品，所以加钱饮姜母奶茶，奶茶茶味浓滑、姜味不会太劲，个人认为真系几好饮！而朋友拣鸡扒新竹米粉、韭菜云吞粗面，朋友话个米粉好味、云吞都有三四粒，不错不错呀！