新牛屋餐廳 (已結業)

早几日带左女友黎左呢度食晚餐, 因为唔知去边度食野好同埋记得呢度d野食唔差, 所以决定试试! 不过去到去门口, 都系睇下个餐牌先, 见个晚餐都好似几食, 咁仲有波睇, 仲要系红魔鬼添, 咁好配搭, 决定入去!入到去人唔多, 所以有好多位, 咪揾一张可以方便睇到波! 招呼都几好, 环境就似酒吧多过似餐厅, 不过气氛都可以, 系d位就逼少少! 跟住叫左两个晚餐, 一个系黑椒西冷, 一个系丹麦鸡扒!食西餐照例系食饱同饮餐汤先, 面包系蒜蓉包, 之前系唔知, 有少少喜出望外, 蒜蓉包都够热够脆, 蒜蓉不多不少好, 好香好味; 餐汤系白汤, 有磨菇同埋粟米, d料几足, 不过咸左d; 主菜就系黑椒西冷配意粉同埋丹麦鸡扒配白饭, 黑椒西冷差唔多六成熟, 肉质都几好, 够香够松; 丹麦鸡扒就差少少, d鸡扒唔得滑, 但都算煎得香, 可以啦; 但系黑椒汁就差少少, 唔算香同唔算辣! 不过睇见红魔鬼赢波, 加埋d野食唔差, 总括黎讲我都觉得可以接受, 下次timing再黎睇下波食下饭都唔错架! 埋单$120连贴士, 睇波兼食饭, 双料娱乐, 抵玩!