影片
更多
2017-08-06
1182 浏览
今日去佳记食饭,纯粹系为咗佢个汤.最钟意饮中汤,尤其系老火汤或者系比较无咁大路既汤.今日既中汤系双瓜黄豆煲唐排,仲唔冲入去咩.一个人通常唔使等位,直入坐低,确定有中汤先再叫餐.点完餐个汤就即刻到,双瓜当然系胜瓜同凉瓜.我谂胜瓜好难煲,今次同大部分经验一样,皮嚡而已多渣,可能已经出晒味,胜瓜本身好淡.凉瓜份量好少,煲到完全冧晒而且出味.汤就甘甘甜甜,唔知肉定系瓜唔够,硬系煲唔出果种浓味.肉系有少少既,唔敢话系咪唐排,但说好的黄豆好似唔见影咁㖞.因为太期待,最重要既汤竟然无映低.失策!梅子蒸鸡饭都跟著到,骤眼睇起嚟有好多件鸡,但其实有一部份系豆卜,因为淋完汁变晒一样色,唔留心睇会觉得俾成半碟鸡你食好笋咁.鸡有啲嚡,味道唔重唯有点多啲汁搭够.另外其实鸡同豆卜下面有好多菜芯,系冧咗啲既,份量比一般茶仔多架.汁就杰过头,反而有少少似酱,而且唔够酸.因为个汁杰得嚟又淡,口感就会好奇怪.伙记送餐时只会记枱号,送到埋嚟会问边个系乜餐.今次佢行到埋来问咗几次边个系girl,初时无人应,我望下餐牌记起我叫左G餐㖞,即刻认头啦,俾佢瞄一瞄,我点知你讲个girl系我啫,下次不如你问边个系google啦.
梅子蒸鸡饭
62 浏览
0 赞好
0 留言
梅子蒸鸡饭都跟著到,骤眼睇起嚟有好多件鸡,但其实有一部份系豆卜,因为淋完汁变晒一样色,唔留心睇会觉得俾成半碟鸡你食好笋咁.鸡有啲嚡,味道唔重唯有点多啲汁搭够.另外其实鸡同豆卜下面有好多菜芯,系冧咗啲既,份量比一般茶仔多架.汁就杰过头,反而有少少似酱,而且唔够酸.因为个汁杰得嚟又淡,口感就会好奇怪.
伙记送餐时只会记枱号,送到埋嚟会问边个系乜餐.今次佢行到埋来问咗几次边个系girl,初时无人应,我望下餐牌记起我叫左G餐㖞,即刻认头啦,俾佢瞄一瞄,我点知你讲个girl系我啫,下次不如你问边个系google啦.
张贴
