御品軒 (已結業)

系文化中心睇完《心太野》(音乐剧) 想食心太软﹐第一时间谂起甜蜜蜜﹐去到十一点八﹐佢收十二﹐见对面御品轩收一点﹐有野要同友人倾所以总之有地方坐下就得。以前都试过食依度既双皮奶同雪糕红豆冰﹐ok啦。寻晚发现餐牌写双皮奶($18)「冻食更好」﹐really? 一向都系热好味啲架麻﹐不过我地既好奇心盖过理性﹐所以叫黎试下﹐另外加多个绿茶奶黄姜汁荳浆汤圆($18)(个名有啲不协调既感觉﹐谂左一阵﹐原来系绿茶皮奶黄馅汤圆+姜汁荳浆) 。先黎汤圆﹐个皮好普通﹐唔’in-un’(个人对汤圆既基本要求) ﹐而且得绿茶颜色而无绿茶味﹐个荳浆可以但无乜姜味。差唔多食完双皮奶就到﹐好得意﹐居然系热既先到﹐友人话「佢地计过架麻﹐见我地share﹐所以食完一样至上另一样。」系窝﹐好细心﹐抵赞! 第一次食冻双皮奶﹐又真系几好味!今日系街食足四餐(有好有唔好)﹐劲饱﹐又有美味既双皮奶作完结﹐加上可以同友人们分享美食﹐幸福~