影片
更多
2016-03-20
3799 浏览
上次嚟到荔枝角厂厦内美食广场嘅Pati by Lassana食晏，见依度晚市有个乜乜乜火锅加蒸气锅任食，你知啦，依家出面有唔少蒸气锅，但间间都食海鲜、火锅靓料，咁身边总有啲朋友喺想悭悭哋，$138咁嘅价钱喺咪好有吸引力呢？是夜，就约咗啲美孚街坊好友嚟试，初时嚟到「双囍锅」门口（即喺美食广场嘅门口），真喺睇佢唔出有做晚市架，因为门口「黑掹掹」，好似闩晒门咁。门口个易拉架标明星期一至四任饮任食2.5小时都喺$138 + 10%，9:00pm后仲只收$128 + 10%；而星期五至日及公众假期，都只喺贵少少，收$148 + 10%，9:00pm后则收$138 + 10%。由于个场都嚟过，所以，大概都知喺点，虽然喺美食广场，但胜在地方几阔落，环境干净企理。4人枱占多数，配梳化椅，广场尾边位亦设有几张大圆枱，适合6、8、12人，故此，人多人少嚟都无问题。枱上有两张落单纸，灰色𠮶张喺任食火锅，而另一张红色喺散叫，眼见嚟嘅绝大部份客都喺选前者。而任食火锅方面，2-5位拣一个双囍锅，6位以上就拣两个，何谓「双囍锅」？上文都提过，就喺蒸气锅加火锅，蒸气锅锅底则有6款，而火锅汤底有5款，如想食得刺激啲，可
门口个易拉架标明星期一至四任饮任食2.5小时都喺$138 + 10%，9:00pm后仲只收$128 + 10%；而星期五至日及公众假期，都只喺贵少少，收$148 + 10%，9:00pm后则收$138 + 10%。
由于个场都嚟过，所以，大概都知喺点，虽然喺美食广场，但胜在地方几阔落，环境干净企理。4人枱占多数，配梳化椅，广场尾边位亦设有几张大圆枱，适合6、8、12人，故此，人多人少嚟都无问题。
枱上有两张落单纸，灰色𠮶张喺任食火锅，而另一张红色喺散叫，眼见嚟嘅绝大部份客都喺选前者。而任食火锅方面，2-5位拣一个双囍锅，6位以上就拣两个，何谓「双囍锅」？上文都提过，就喺蒸气锅加火锅，蒸气锅锅底则有6款，而火锅汤底有5款，如想食得刺激啲，可加钱升级为麻辣鸡煲、水煮牛肉煲……等等。
有咩食就唔多讲，睇睇点菜纸及相片就一目了然，不过，要补充几句，就喺大部份食物可晌出面食物区自由取用，小弟就几钟意依类形式，要多要少随己意，又可以睇过先拎，唔使成日追依样追𠮶样。试过一次最劳气，填嘅嘢食数量一样，乜丸物丸就一大盘，啲肥牛、鲜鱿就好似限量配给咁！
另外一类如肉类、脆肉鲩就要剔点菜纸，一份份咁上，都嚟得几齐，无甩漏。整体你见唔会有咩好贵价嘅食材，但胜在选择唔少，百零蚊唔做洗，唔使切，食完走得，都好划算啦。
饮品此外，饮品反而有啲惊喜，虽然啤酒欠奉，反正小弟唔好酒，但选择喺比出面大部份嘅任饮火锅多，仲要喺韩国嘅乐天系及本土嘅道地系，当然仲有例牌嘅几款汽水啦！
小弟前前后后都试咗几款新嘢，道地嘅黑糖姜茶，黑糖味唔喺好强，但够晒姜；乐天嘅芦荟饮品几好㖞，而另一款Cider有啲似忌廉。
另一边厢仲有啲热菜蜜，好让唔饮得汽水、冻饮嘅客人。所以，依样就啱晒我老婆喇。
手拍青瓜落单后等个锅要一段时间，通常啲锅嚟到，又要滚一段时间，所以，最好有啲嘢咬吓。晌酱料区侧，有啲手拍青瓜，做得够爽脆㖞，又带点辣！
碗仔翅、春卷、咖喱角个锅仲未滚起，口痕食多半碗仔碗仔翅，足料味道又唔差。友人拎咗啲春卷及咖喱角，预埋我一份，当然又俾面试吓，唔太油，够脆口，都收货啦。不过，既然店家喺做京川沪料理，就不如多三几款京川沪小食，有多少少卖点，好过啲炸春卷及咖喱角啦！
皮蛋芫荽汤底、明目圆肉杞子味蒸汽锅底汤底到，双囍锅就喺一边边炉锅，一边蒸汽锅，但老实讲，蒸汽锅又唔会有好强烈嘅气味，但不妨滔少少当汤饮，味道不俗。虽然我哋无渌粉面，但相信以圆肉杞子蒸汽锅做汤底应该几有特色，而打完边炉个汤底渌粉面，好味就好味喇，但比较浊同燥。反而，更想试吓加啲米落蒸汽锅煮成粥，效果唔知会唔会更加特别啲！
火锅食材我哋食足两个半钟，实在食咗唔少嘢，小弟就唔慢慢逐样写，可以睇相了解吓我哋食咗乜，当中特别嘅，或好食嘅，就多写几段同大家分享吓！整体嚟讲，质素唔错，虽然无咩贵价食材及海鲜料，但以百零蚊任饮任食嘅价钱，又可以打边炉，又可以食蒸锅，其实好划算。
今晚，我哋都试咗用好多食材以蒸汽锅处理，务求食得原汁原味，好似啲肥牛、羊肉片、脆肉鲩、九肚鱼、本地滑牛……等等，蒸出嚟感到鲜味啲，肉味重啲。
啲阿姐算几醒目，不时为我哋加汤，而加汤真喺加「上汤」，唔喺斟啲水了事，诚意十足。
除咗以上见到嘅火锅料之外，仲有啲额外付费嘅「蒸」选推介，包括黑松露小笼包、爱尔兰蛏子、越南野生虎虾、大连半壳扇贝及阿根廷刀贝蚬，全部均一价$10只，实在抵试，我哋就试咗其中3样：蛏子、虎虾及扇贝。
等咗好耐，卒之出场，一大盘摆好晒咁多样嘢，非常有睇头。3样海鲜尺寸都颇巨型，绝无欺场！
爱尔兰蛏子 $10 / 只好期待嘅蛏子，店长建议蒸1.5分钟就喺最好，不过说是迟那时快，转眼两分钟，哈哈，我哋蒸过笼添，入口有啲韧；不过，较大问题喺入口有沙，已反映咗俾店长知，佢哋话养足水，所以，我觉得要转转啲来货供应。
越南野生虎虾 $10 / 只卖$10只真喺好抵食，几大只，几有睇头。蒸两、三分钟见佢转晒色就差不多，入口好爽，而且颇鲜甜。
大连半壳扇贝 $10 / 只贝类我哋就蒸熟少少，以防万一，估唔到质素唔错，一样爽口又鲜味。不过，可以晌个牌仔度加上建议蒸煮参考时间，唔使啲客下下问店员，同埋，有啲店员又未必清楚。
雀巢雪糕、雪条打完边炉有啲雪糕、雪条食都唔错吖，可以凉快吓吖嘛，又唔喺几百蚊嘅自助餐，唔使下下名牌嘅，我哋细细个年代都喺食雀巢、雪山、甄沾记大。不过，两者都只得朱古力味，有多几只味就梗喺好啲啦！此外，打边炉比较燥，贪心啲如果加插啲中式滋润糖水，如雪耳木瓜，就可能成为加分位喇。
依个年代，铺租贵、人工贵、食材贵，唔使洗，又唔使切，更唔使收拾，百零蚊任饮任食，食材质素唔差嘅话，你仲想点？成日听到啲人投诉依间嘢贵，𠮶间啲嘢唔抵食，自己返去煮好过，老实讲，咁有「煮」见，真喺应该返屋企煮而唔好再出街食啰！
张贴
