寶時茶餐廳

营业中

休息中

今日大约11:20am去到，上咗2楼窗口位坐低，举手示意侍应落单，一个比较年长嘅女侍应见到我举手，但系放低咗隔离枱个餐之后就走咗去，行到去最埋边楼下传餐上去2楼𠮶个位先至问我食乜，个距离应该至少有15尺，咁我大声嗌嘢食，茶餐厅呢啲落单形式无所谓嘅，我嗌咗个全日早餐B沙嗲牛肉通粉，因为系远距离落单，所以过咗一两分钟后我衬个女侍应行嚟我𠮶边就弱弱一声（因为觉得有少少烦住佢咁）同佢讲个沙嗲牛系要通粉，唔系面嘅（个餐本身系跟面），但系佢好唔耐烦躁底同我讲‘咪落咗啰靓女’，然后行咗去，20分钟后啲嘢食嚟（今日整嘢食时间较平时耐唔知系咪因为年廿八），个女侍应好大力咁将碗通粉同埋碟煎蛋放落我张枱度，之后我一路食见到佢同其他客人拍晒膊头，唔该前唔该后，完全系双面人。虽然我唔系熟客，但间唔时去开土瓜湾都会去宝时食嘢，因为餐厅老板同埋一个比较年长嘅男侍应态度好好，嘢食又ok，同埋呢间系剩返好少有楼上雅座嘅地区老店茶餐厅，我觉得好值得支持，不过所谓一粒老鼠屎系会毁咗一间餐厅，我唔会再去帮衬噜。