華香雞 (已結業)

睇招牌已经知佢系老字号切鸡专门店，今次特登放工嚟试一试，原来除咗鸡之外，仲有好多其他选择，所以叫咗一个套餐，另外再加一煲白鳝，非常有惊喜。特色四宝套餐(华茶鸡饭＋卤猪耳＋卤腩片)除咗华香鸡出色之外，仲有特色嘅茶香鸡，顾名思义加入咗乌龙茶浸泡嘅茶香鸡，食到香浓嘅茶叶香味，中和番切鸡本身嘅油腻感，食落好有层次。豉汁白鳝煲绝对有惊喜，白鳝煲系即蒸即上碟，整个连埋竹笼一齐上台，好有特色。白鳝够晒肥美，加上䜴汁，简直系白饭杀手。