時光雞 (已結業)

试下新开既炸鸡店，见佢有好多种酱可以拣就试下。叫左时光芝士炸鸡、蒜香牛油同甜酸炸鸡同几款小食。时光芝士鸡既感觉似系芝士圈圈既味道，食落想继续食多几旧。再讲下两款酱，甜酸酱重山楂味，中意食咕噜肉既唔好放过。而蒜香牛油味既蒜味唔会太浓，食完把口唔怕有口气。炸鸡先系重点，皮够薄够脆，肉嫩冇骨，两啖可食完一旧，唔似伯伯炸鸡食得咁麻烦。三款小食包括:蟹肉忌廉薯，蟹味香浓，口感非常似日本街头食到既可乐饼。日式炸生蚝，外脆内juicy。一口炸芝士鸡柳，似炸芝工丸咁，咬开可以拉少少丝出黎。佢个位置系置乐三宝 利宝商场隔离，买完game可以过去买黎试吓。