逸之燒 (已結業)

今日入到元朗揾食，见呢间不评价不错既日式居酒屋小店，想食下好耐无食既烧饭团。果然menu 有烧饭团，同各式既日式串烧锅物等等，十分多样。当然点左想食既烧饭团，去亲居酒屋都会点， 面头烧的焦脆，加上烧汁既咸甜味，入面软糯。烧原只鱿鱼筒，都系常叫之一，鱼身几厚肉， 一咬就开，都有搽上烧汁，好惹味。汁烧兔治鸡肉捧，系个人喜好，唔会难食的。呢个系厨师推介既黑椒猪颈肉串，烧得脆边，肥瘦适中，咬落油香感足。甜虾刺身都系厨师推介， 新鲜甜美，摆盘都用心。再叫左个安格斯牛小排寿喜烧锅， 牛肉有雪花纹，店员提醒熄火以免过熟。 佢既寿司刺身类都同样高质，呢个葱葱吞拿鱼蓉手卷都十分足料，新鲜，咬落十分满足。清酒煮蚬，大只厚肉，数量都多，酒气淡香。整体食物水准不错。是可得闲就帮亲的亲民小店。