ChirChir Fusion Chicken Factory (已結業)

之前情人节系旺角食左呢间chirchir鸡，女神炸鸡好好味😋2个人食得好滞。可能因为个阵时系情人节啦个男经理会帮情侣影贴纸相同埋送左张面膜比我，超级好呀。之后呢次系尖沙咀既用餐体验我同朋友都觉得冇咁好。大多数系食韩烧，食炸鸡呢边好少人，或者因为咁炸鸡呢边好少侍应，而韩烧好多侍应。嗌野食都几唔容易下，好彩d炸鸡同沙律都冇好迟黎。不过食食下我地2个食唔晒盘大碟既沙律，想揾人拎个外卖盒都唔知点揾，全场冇咩客人同侍应，有一个女侍应既，但系佢只系行去好似系朋友个到系咁倾计，甚至有坐低。我地有尝试举手示意既，但佢太挂著同佢地倾啦完全冇睇到冇留意到，搞到我地好尴尬都唔知嗌唔嗌佢好。而且冇咩人行过可以帮到我地，最后搞到我系要行过隔离揾返帮我地落单个男侍应话要个外卖盒。