Dark Leaf Cafe & Lounge

营业中

休息中

朋友带我去饮嘢，依间 Dark Leaf Cafe 餐厅位于商业大厦但感觉似私窦或私人俱乐部，大门深锁，安装又会自动开门，推门即见大酒吧，灯火阴暗，不停播放梦幻时尚音乐，气氛系唔错！一人一杯鸡尾酒，我的 Jasmine 不及同伴的Blue Cancun 抢镜，佢话一睇就知道呢杯蓝色一定靓，都系佢醒！Jasmine （香莓茉莉）$128，竟然用日本顶级琴酒、配合抹茶及茉莉花，放了些玫瑰花瓣，入口的确很有花香，酒的浓度高高地。Blue Cancun 蓝色海湾 $108，伏特加酒、橙酒及菠萝，味甜及清新。唔会真系净饮嘢，我哋都会食嘅，谂唔到厨房细细，煮出来的味道都好得。水牛城鸡翼 $88，皮酥脆，肉嫩，酱汁少少辣。美国安格斯肉眼牛扒配薯菜 $268，块牛扒唔错，煎得啱啱好，完全冇筋，红酒汁好味。银鳕鱼配香草意粉 $168，意粉黏黏地，被忌廉包围，湿润口感好好味，银鳕鱼够滑有质素。