米走雞 (昭德大廈) (已結業)

今年系鸡年，一直都好想食鸡煲，食个芝士鸡煲。终于都约齐到屋企人一齐去食鸡煲啦，今次仲唔使去到铜锣湾咁远，长沙湾都有分店。大家可以齐齐食鸡煲打边炉！！终于急不及待咁叫咗个芝士鸡煲，等到佢滚左终于食得。成个鸡煲面头有好多超级邪恶嘅芝士，仲有好多洋葱，香气四溢！鸡肉够晒滑溜又非常之入味，鸡肉咬落去够晒juicy，而且唔会有好多骨，啖啖肉，皮又够滑！食完鸡煲仲可以打边炉添！仲有好多材料可以叫，包括肥牛海鲜蔬菜等等...粟米同响铃够晒入味，粟米又够爽口，可以吸收晒芝士汤嘅香味！虎虾一碟有六只。每只都几乎有一只筷子咁长，好新鲜味道爽口弹牙，连虾膏都食埋，超级鲜美手打鲜虾丸，味道好爽口弹牙，唔似得一般既丸，入面仲有虾肉嘅质地，好鲜味又有咬口呢个系新鲜牛颈脊，味道比一般肥牛重牛肉味，脂肪份量方面都少啲， 比较有肉味呢度坐得几舒服，冷气又够晒足够，唔会坐到热辣辣。就算系平日都坐满晒人，好热闹！食物材料又新鲜，价钱又合理，嘢食黎得又快，所以对呢度都好满意！