影片
更多
2024-09-27
371 浏览
去左食lunch，见多数人都系嗌鸡扒蛋包饭同埋烩牛肉饭，咁我就拣咗鸡扒蛋包饭。Lunch set有汤/沙律，汤个日忌廉汤唔错，好够够热，又唔系一pat粉开𠮶啲忌廉汤，都有诚意，所以都对之后𠮶份有啲期望。可惜个汤已经系接近最好既item。。。鸡扒蛋包饭其实卖相唔错，份量都多，但我食到一半先记得影相。有两块鸡扒都几大块，煎得香脆热辣辣，应该好多人叫keep住煮就好新鲜，旁边半碟有沙律菜。可惜个蛋包饭就唔得了，啲蛋煎到薄到片纸咁，但好神奇咬落好干好硬好似煮到劲熟咁，但系佢表面上又有啲生嘅蛋汁望落似Juicy。同埋成个饭，只有蛋下便有微微一pat汁，啲饭质素好差，冇饭味，食落好干。朋友叫咗鸡扒迪迪蛋热香饼，当日冇热香饼转咗muffin，即系猪柳蛋汉堡𠮶包。个包冻既劲硬，切开都好费气力，鸡扒就同我个饭一样都系新鲜热辣，个蛋好似唔错系溏心我中意既生熟度，但就唔系平时网上睇开见到嘅流心流到瀑布咁嘅egg Benedict。份量偏细。另一个朋友叫咗辣味蟹肉意粉，佢话就系好普通嘅蕃茄蟹肉意粉，蟹肉好少捞捞下唔见晒。我特登加$24叫冻matcha latte，但唔系几好饮，唔系饮开熟悉钟意嘅小山园抹茶味道
Lunch set有汤/沙律，汤个日忌廉汤唔错，好够够热，又唔系一pat粉开𠮶啲忌廉汤，都有诚意，所以都对之后𠮶份有啲期望。可惜个汤已经系接近最好既item。。。
鸡扒蛋包饭其实卖相唔错，份量都多，但我食到一半先记得影相。有两块鸡扒都几大块，煎得香脆热辣辣，应该好多人叫keep住煮就好新鲜，旁边半碟有沙律菜。可惜个蛋包饭就唔得了，啲蛋煎到薄到片纸咁，但好神奇咬落好干好硬好似煮到劲熟咁，但系佢表面上又有啲生嘅蛋汁望落似Juicy。同埋成个饭，只有蛋下便有微微一pat汁，啲饭质素好差，冇饭味，食落好干。
朋友叫咗鸡扒迪迪蛋热香饼，当日冇热香饼转咗muffin，即系猪柳蛋汉堡𠮶包。个包冻既劲硬，切开都好费气力，鸡扒就同我个饭一样都系新鲜热辣，个蛋好似唔错系溏心我中意既生熟度，但就唔系平时网上睇开见到嘅流心流到瀑布咁嘅egg Benedict。份量偏细。
另一个朋友叫咗辣味蟹肉意粉，佢话就系好普通嘅蕃茄蟹肉意粉，蟹肉好少捞捞下唔见晒。
我特登加$24叫冻matcha latte，但唔系几好饮，唔系饮开熟悉钟意嘅小山园抹茶味道，苦涩唔香，饮到底都有好多茶粉未打开一粒粒系底。不建议。
唔系难食，但真系唔好食，而且价钱都唔平，由其见到咁多好评但食落咁嘅质素，都几失望下，唔会再回头。
张贴
