百芳池上便當 (香港仔中心商場第二期)

营业中

休息中

上星期行过见到呢间百芳好多人排队，已经同定朋友讲今个星期要试，于是星期一就去试吓。好好彩去到唔算多人，虽然全场坐满，但咁啱有台埋单，等咗两分钟就有位坐，其实个场唔算好多位，但都坐得算系咁，唔会有太逼嘅感觉，墙身啲设计风格都好台湾feel。睇完Menu，基本上都系便当、汤面同干拌面拣，午餐种类嚟讲都算多选择。同朋友两个都不约而同想食干拌面，仲要大家都食卤鸡扒肉燥干拌面，无得试多款其他嘢食。落单之后，嘢食好快就到，一睇个鸡扒啲色水就知无叫错，卤得好入味，肉质又嫩滑，食落啖啖肉，干拌面都系我钟意嘅质感，杯珍珠奶茶都好饮，但系要加$12贵咗少少，跟餐啲嘢饮太少选择。整体嚟讲都好好食，午餐可以再嚟食。