101肉燥飯專門店 (已結業)

去做facial之前食个下午茶，喺美容苑附近有间101 ,好似都几出名，所以就入去食个饭。呢排实在胃口不佳，都系想食一啲粉面之类嘅食品，最咪尾拣咗中餐牌里面嘅特盛酱汁鸡扒肉燥新竹米粉$46 +$6 粟米个米粉真系大大碗，无花无假，而且比起平时啲米粉更加透明同埋有弹性，上面嘅鸡扒有两块大大件，比想像中多好多，对得起价钱；而且个酱汁配搭都唔错，鸡扒好滑好嫩，咬入去完全唔使用力，口感唔错。粟米甜甜地，原来有埋卤水蛋，不过就比较老啦真系，但系都好入味嘅。最后食唔晒要打包，外卖盒加收＄1 ,好过浪费食物啦。饮珍珠奶茶虽然唔使加钱，但系我拣咗饮香芋珍珠就要加＄9啦!香芋味都几突出，而且唔会太化学，不过因为啲冰嘅原因会越饮越淡，珍珠都好有口感而且甜甜地，不过如果唔想加钱都系建议用饮普通珍珠奶茶啦。