8090 好時光 (已結業)

颂富商场翻新之后，多左餐厅进驻，尼间台式餐厅内外装修各有风格。除左有早午晚下午茶餐外，仲推出左新餐牌，卖甜品，优惠期间甜品7折。叫左2个下午茶餐，分别系咖哩牛腩饭($40)，香煎鸡扒台湾幼面($36)，均附送餐饮。甜品叫左抹茶麻糬红豆鲜忌廉窝夫，配自选雪糕($58，未计7折)，黑白配($40，未计7折)。咖哩牛腩少少辣，牛腩唔会韧，煮得入味，而且切件既大小岩岩好，饭量男仔食一定够饱。因为鸡扒即煎，所以要等一阵。煎完非常脆，外皮做到金黄色，而且鸡扒大块，肉嫩。面条硬度ok，不过个人钟意面条再硬身少少会有口感。如果再用心煮个汤底，个面既价值就再提高。而家汤底都浓郁。一定一定要叫窝夫，因为真系好抵好食好大份。上枱个阵，我冇预计个窝夫会整得咁靓，而且唔马虎，水准同甜品铺个d有得挥，甚至个人觉得更加好食。每件窝夫入面，都有大量麻糬，每啖都食到。抹茶味虽然唔太重，但食到好香既蛋味。加上鲜忌廉同红豆粒，甜而不腻。特别既系，可以落炼奶，但系尼个炼奶味道唔系平时食开个种，但系系更好食。隔离枱叫左另一款窝夫，更加吸引，用料更加丰富。黑白配即系烧仙草，黑珍珠，小丸子，朱古力云尼拿雪糕各一球。小丸子黑珍珠煮得