華輝餐廳 (已結業)

听讲呢度d鸡批好出色，甘就真系要试下。呢日十点几早餐时段黎到，餐厅唔算好挤迫，一条友选左个卡位住低。甘一场黎到，食早餐之余梗系叫埋鸡批。鸡批上枱时少少暖，相信如果热辣辣的话会更正。餐厅俾左个小叉子方便食鸡批，但我稔住用手攞起食算，用叉好似好烦甘，点知......一咬落去成个鸡批五马分C甘散左，好在散左的批都只系跌返落只碟度。证明左佢的鸡批真系非常之松脆。讲返鸡批d馅，都几多鸡肉下。而食呢个批，个人认为重点始终系佢个皮，咬落去好松果下。黎到呢度，真系不妨食个批。呢度的早餐个人认为都不错，七份熟流心煎荷包蛋真系几有诚意，最喜欢食有蛋汁又唔太生的煎蛋，咬落去d蛋汁爆出黎配合滑溜蛋白的味道同口感，真系会令人好有幸福感。面系大光面，面身几爽，沙爹牛肉大大片，绝不小家子，牛肉唔算好滑，但个沙爹汁唔错，隐约渗出花生香味。奶茶茶胆唔算好浓，几香奶味，ok。服务方面都ok，见到好多街坊会打下牙骹甘。