華輝餐廳 (已結業)

成日都会黎呢度食野, 因为佢地系24小时营业, 夜妈妈肚饿都会黎呢度医肚, 通常都系食铁板蒜蓉 or 洋葱猪扒居多, 因为佢地个蒜蓉汁同洋葱汁都做得几好, 而猪扒又好淋, 好入味, 正!但自从上年枣儿妈话呢度d鸡批正, 叫我试下, 从此, 鸡批先至系我华辉no.1.鸡批好多料, 批内既白汁同个批皮又好夹, 每次食都觉得好正, 从未试过令我失望.热食当然仲正啦! 试过有一晚买两个外卖第二日返公司食, 请左一个同事食, 同事都话好正, 叫我再买!一般夜晚8, 9点左右就会卖晒架啦, 所以好多时返到去都无得买, 试过有一次真系好想食, 放工时打定电话叫佢留比我, 佢地好好人都肯留比我, 但就不断叫我一定要去攞, 当然我留得就一定会要啦, 咁鬼好食, 成日都想食得到!我本身唔系好"好"苹果批, 但呢度既苹果批都试过 (因为买晒鸡批) 味道都ok既, 个皮同样好食, 而馅料亦多, 酸酸甜甜, 味道唔错, 只系我唔食提子干, 而佢地d苹果批内有好多提子干, 我杯茶始终都系鸡批!笑脸系比鸡批既!