幸運星

营业中

休息中

有一晚经过呢度，见到set dinner个menu齐集各国美食文化于一身，有点却步。这天下午茶时份再临，就决定试下佢既包点同常餐。菠萝包唔错，热辣辣，个皮好脆，面包松软得黎又唔会太空气感。蛋挞系饼皮既，都算香脆，蛋汁蛋味唔太浓不过甜味刚刚好；而鸡批算系最好食，馅料唔少，味道唔会太似白汁鸡皇，层次多d。另外常餐都系一般货色，不过蛋真系几香滑。而奶茶最有惊喜，茶味奶味啱啱好，仲要系一支支咁雪冻，唔会有冰沟淡奶茶味。总括来讲，呢度嘅包同常餐都唔错，比一般茶餐厅质素高少少，不过又唔好期望佢会好有惊喜咁啦。