天天海南雞飯 (ELEMENTS圓方)

营业中

休息中

首先，我地点左鸡油饭，一上枱就见到饭粒晶莹剔透，油香扑鼻，每一口都带住浓郁嘅鸡味，饭粒既唔过油亦唔会太干，好有层次感，上面𠮶层鸡油嘅亮泽。😋至于白咖喱香茅猪扒，猪扒煎到外层金黄脆口，但内里仲保持到嫩滑多汁，白咖喱浓郁但唔会太腻，香茅嘅清新味道同咖喱奶香融合得啱啱好，每一啖都系层次分明，食完仲想再舀啲酱汁拌饭，根本停唔到口！🤤而黑胡椒罗氏虾粉丝煲嘅虾肉鲜甜弹牙，虾都煮得啱啱好，唔会过熟，仲保留晒鲜味。黑胡椒酱汁浓烈而唔会掩盖住虾嘅味道，份量啱啱好渗透落粉丝度，吸满晒汁嘅粉丝非常惹味！🦐最后要提嘅系古法双冬羊腩煲，羊腩炆得好入味，一啲羊膻味都冇，肉质软腍但唔会散晒，仲有支竹和马蹄吸晒汤汁！🔥