塚田農場 (已結業)

今日同男朋友一齐食呢间日本餐，餐厅环境真系好靓，光线充足，最紧要座位宽敞舒服，面对一望无际嘅维港景色，食咩都好味！我哋就点咗美人滋锅御膳，有啲似火锅，但系好特别嘅系𠮶啲肉肉都系挂住喺盘上，摆拍超靓！鲜甜嘅汤头真系令我哋一口接一口，非常入味好饮，饮得出汤头已经熬咗好耐，𠮶啲精华都已经熬咗出嚟，饮落去成个身体暖笠笠。男朋友唔系经常饮汤嘅都将汤饮得一滴不剩！肉肉亦好嫩滑，和牛纹理超靓，油脂分布均匀，睇起嚟就知系高品质嘅牛肉！将牛肉放入汤底度涮个几秒就可以食，口感鲜嫩多汁！豚肉十分新鲜，最钟意就系一点腥味都冇嘅猪肉，肉质亦都好嫩滑可口，唔会腻！呢个日式火锅仲可以配白饭 / 拉面 / 乌冬，我哋钟意食饭嘅就点咗白饭配住一齐食，浓郁嘅鸡汤味道配住白饭就已经好好味！我同男朋友都食得心满意足！正啊～