麵道 (已結業)

石门地铁站一出就见到嘅拉面店，由以前荃湾分店开始食，但之后结业都keep住去石门分店食。 虽然面道店舖唔算大，但系就算要排队都好快有得入。鸡叉烧溏心蛋鸡白汤拉面（$80）我次次都系食「鸡叉烧溏心蛋鸡白汤拉面」，汤底可以拣淡、中、浓，一定拣浓汤无误！饮得出落咗好多鸡骨落去煲，浓得嚟唔会好咸，亦唔会好油。至于面就拣硬面会好啲，因为面条比较幼，食食下比较快淋，但因为汤底好味都唔会太影响。鸡叉烧其实啫系鸡肉，表面有用火枪轻轻灸烧过，食落唔滑唔鞋，鸡味唔重，相对比较失息。值得赞溏心蛋每次食都做到溏心效果刚刚好，另外竹笋份量都唔少。食到一半味蕾觉得闷闷地，可以问店员拎蒜头加入汤底会更好味。之前拣咗辛口，我觉会破坏咗个鸡汤味。追加配料：备长炭烧烤叉烧（$18）叉烧都有用火枪灸烧过，好淋好香猪味！如果可以鸡汤配猪叉烧就完美了烧饺子（$25）煎得香口，味道正常。