阿鴻小館 (已結業)

生日同屋企人食饭，菜式特别享受美满嘅一餐。鸡汤花胶扒最为难忘，花胶非常厚肉，鸡汤浓郁，店长介绍先用母鸡熬汤，鸡壳丢弃，用另一只新鲜鸡熬20分钟上枱，鸡肉滑到不得了。冰镇咕噜肉中间有麦芽糖摆设，小朋友博烂佢尽兴，大人亦食尽怀旧味道。韭菜鹅红煲，第一次食鹅红，非常美味，口感比猪红好，应该唔系好多地方有得食，非常难得。鲍鱼扣鹅掌非常入味，软硬适中。蟠龙老虎斑拆骨起肉，配上丝瓜又滑又爽口美味。 最唔显眼嘅豆苗竟然有惊喜，鸡油炒豆苗，非常香口嫩滑。竹炭豆腐、荔枝虾丸都系阿鸿小馆特色菜，已经第二次食，小朋友最钟意这两味菜。