鳳鳴居

营业中

休息中

难得入黎上水，特登揾定有咩好食，锁定左呢间米线，黎到同想像中一样人头涌涌，排左一阵先入座。醉香鸡汤面 ($48)二话不说叫左招牌米线，但估唔到有朝一日我系会嫌d野食太足料。 其实平时比较少食酒香类既野，最多食上海野会叫醉鸡，所以汤底一入口我嫌佢太醉喇，直头好似将醉鸡汁直接做汤底咁，平时唔饮酒既我表示太浓。 但要赞d鸡件真系好新鲜，似乎每个人都肯定会分到脾位，嫩滑有鸡味，叫埋辣椒豉油好正。 可惜我真系叫错左个唔岩口味既汤底，但以呢个水平我会再黎多次，叫其他款既鸡汤面。萝卜清汤腩面 ($49)呢个清汤底反而好岩我口味，清淡得黎带点猪骨汤既浓郁，所以其实我系抢左呢碗面黎食。  牛腩大大块好足料，分到既位唔算好靓但都腍滑，萝卜清甜冇渣。瑞士鸡翼好入味，春卷新鲜炸起唔油腻，点埋喼汁好开胃，好满足既一餐。