㷫烚烚 (已結業)

听闻有明星合资开咗火锅店，专登来餐厅睇下会唔会见到明星~火焰鸡煲鸡煲辣度可选大中小，煮到咁上下侍应会加酒再点火快炒，火焰效果好震撼，鸡肉保持嫩滑，酱汁又辣又惹味。蒜蓉粉丝蒸海鲜拼盘海鲜拼盘可以选择加落去打边炉或者喺厨房直接蒸熟，海鲜配蒜蓉粉丝蒸系最好嘅配搭，今日嘅海鲜有鲍鱼、扇贝、大蚬、海虾，款款都好新鲜，仲有粟米胜瓜同乌冬配衬添，而清蒸就食到海鲜的原汁原味。蒙古冰羊煲期间限定嘅火锅汤底，煲入面除咗羊肉，仲加入咗汤汁制成嘅冰粒，店员话咁样可以令羊肉更加鲜甜，煮滚之后汤底饮落的确带有清甜，羊肉味道浓郁而且食落松软多汁，好新鲜嘅体验。之后打边炉任食有各款蔬菜类同丸类，肉类有猪牛羊，而牛肉系M9和牛任食！饭后甜品仲有糖水同芋圆，真系食到捧住个肚走。