壹火鍋

营业中

休息中

为食又贪心既我，成日想系同一个地方可以食到唔同种类既野食，今次就简左间有鸡煲、火锅同刺身可以一餐食哂。入座后，各样刺身都叫少少医左肚先，所有刺身都几新鲜，当中鲍鱼片口感刚好，鲍鱼味亦十足。虽然有几种特色鸡煲可能选择，但最后都系叫左最原始既麻辣味鸡煲，因为同行既人唔食得辣，所以只叫左少辣，本身会怕麻辣味唔够特出，但最后麻辣咸各方面都几平均，虽然觉得可以再辣一些，但可以接受，鸡件够入味又滑。食完鸡煲之后就加入汤水变身火锅。因为想食其他种类既海鲜，所以加钱要个海鲜船，生蚝好肥美有回甘，圣子够大只甘甜。虽然二人龙虾得半只，但都算可以分黎食。因为得两个人食，所以火锅配料只系叫左少少，肥牛有水准，肥瘦刚好。啤酒汽水任饮，其中试左支菊花蜜，唔系太甜，几好饮。下次可以叫多几个朋友再一试，咁就可以叫多几样野食，食清食楚。