和記廚房

营业中

休息中

行山后特意嚟福来邨街市上层，揾食。其实上层沿途有很多食肆，既然决定哩间就唔转。柑柚子炸鳝球，系个不错嘅新尝试，豉椒煮鳝见得多，酸甜嘅鳝都系第一次，鳝球皮脆滑口。椒盐九肚鱼，冇特别。生炆鸡煲蟹煲，同想像嘅有出入，因以为有好多海鲜，原来是要大锅先系有虾砚。但汤好鲜鲜甜，蟹一般，汤饮完一碗又一碗。金砖豆腐值得一试，豆腐系用蒸蛋粘炸酱造成嘅，上面放咗几件炸茄子，配上近似烧汁酱，炸茄子味道更吸引。豉油王炒面可能期望过大，唔觉特别好食，面弹牙爽口，我口味上觉得略为多咗一d油。整体生炆鸡煲蟹煲值得一试，冬天做锅底打下边炉应该好正小菜有镬气，款式特别。