18樓雞煲火鍋專門店

营业中

休息中

呢间鸡煲火锅店好搞笑，佢有两间分店，都系喺18楼，所以个名就叫做18楼鸡煲火锅专门店，包你一定唔会去错楼层！食火锅最怕枱贴枱，有时太局促就会成身吸晒味，而呢度环境宽敞，食得舒适。一个定价已经有齐鸡煲同任食火锅，价钱都唔贵。呢度系用QR code点选火锅配料，另外仲有大大个雪柜任你攞饮品同蔬菜。首先就食个鸡煲，拣咗小辣，啱晒又想食辣又唔食得辣嘅我哋，鸡煲酱调味做得啱啱好，带有少少香辣非常惹味。食完鸡煲，当然就轮到食火锅啦，枱上面已经放定上汤，可以自己放汤，唔使下下举手，真系够晒贴心又方便。餐纸有介绍建议食法，「落2吋上汤够哂味」！落咗上汤就摇身一变变成火锅，鸡煲里面嘅香料继续停留喺火锅入面慢慢渗出，真系越食越够味。火锅配料相当丰富，基本上就算你拣最平嘅餐，牛肉质素亦不俗，而且亦有海鲜俾你拣，一啲都唔吝啬。当然仲有丸类、饺类、虾滑等，基本上款式都好齐全。食过火锅，仲可以自制软雪糕。 软雪糕有两款味道选择，钟意单一口味又得，扭纹风味亦得，仲有好多唔同雪糕配料俾你洒上去，包你食到肚满肠肥。