燒皇燒烤專門店

营业中

休息中

近排心思思好想食串烧同埋鸡煲，好好彩畀我揾到呢间餐厅，可以同时满足我两个愿望。先简单讲餐厅嘅优点同缺点佢嘅上菜速度快，食物质素不错不过饮品种类较少，酒精饮品需自行购买我哋叫咗牛舌，黑松露酱烧生蚝，茄子，乌头鱼，金菇同埋其他串烧再加一个椰子鸡煲。落单之后，一直冇停过上菜，甚至喺个鸡煲滚之前，所有食物都已经上齐晒。味道不过不失，值得一提嘅系，鸡好嫩滑同入味，海鲜都好新鲜惹味。店员嘅态度都好友善，有问必答，亦都冇做啲咩赶客行为，坐得好舒服。喺我哋食紧嘢时，仲畀咗啲食用贴士我哋。特别嘅系，个椰子鸡煲同啲串烧好夹。同以往食开嘅鸡煲唔同，佢比较清淡，夹埋串烧嘅效果异常地好。同朋友食得好开心，已经约好有机会再嚟食过。