漁樂鍋 (已結業)

听朋友介绍呢间野好食，今日终于同朋友黎食。好耐冇嚟过黄埔，估唔到新开左好多餐厅，而呢间就位于红磡同埋黄埔之间，地铁站行一阵就到。餐厅入边有卡位，而且装修简约，几舒服！我个人觉得鸡煲系好食嘅，虽然我好少食鸡煲，但系我钟意食重口味嘅嘢，而呢间嘅鸡煲正正系好入味。我地叫咗海鲜酱鸡煲，入面有半只鸡、大虾同埋蚬。鸡肉嫩滑，一啲都唔鞋，而且沾满酱汁，好惹味！啲蚬虽然唔算多，但同啲汁好夹，同样好味！所以建议大家可以额外加钱叫蚬。厨房仲好细心将啲虾头剪走，方便进食，啲虾算大只，啖啖肉。另外煲入边仲有大量洋葱同芫荽，个人好钟意食洋葱，觉得啲酱汁炆洋葱，超好食！我同朋友都食晒啲鸡我同朋友真系食晒啲鸡架！因为真系好味另外我哋仲加钱叫咗美国肥牛、手打四宝丸、云吞同埋蔬菜篮。肥牛好有牛肉味，而且厚身又唔鞋口，都系$58，值得嗌！另外手打四宝丸都好味，我朋友话墨鱼丸系最好食，不过因为太饱，所以冇食到。我食咗好多蔬菜，尤其系娃娃菜同粟米，因为两种菜同鸡煲味道好夹，变得更加鲜甜！